تبديل لوحة السيارة الى رومانية

عليكم السلام

اولا توصل بالسياره الي رومانيا

ترجمه الاوراق الخاصه بالسياره

رخصه السياره و كارته السياره و عقد البيع و الشراء او فاتوره

السياره لازم تكون متشاله من المرور السويدي من أسم صاحبها

بعد كده تعمل تامين السياره في اي مكتب تامين سيارات و تقوله يحضرلك ملف ارقام مؤقته حمراء لمده ٣ شهور و بتدفع تاكسا ١٣ رون باسمك و الرقم القومي الخاص بيك

و بتحجز ميعاد اون لين و تروح تاخد الارقام الحمراء المؤقته و هتدفع هناك علي الشباك ٥٠ رون

بعد كده تعمل بروجرام علي الرار RAR علشان تفحص السياره و استخراج كارته رومانيه و التاكسا تقريبا 700 رون و بعد استلام الكارته بتروح علي المحافظه التابع ليها حسب السيكتور و تسجل السياره هناك علشان الضريبه السنويه و بعد كده تروح علي الاناف ANAF و باوراق السياره مترجمه و بتطلب ان حضرتك ما بتدفع TVA و بعد ما تستلم الورقه بيكون الملف جاهز للتسجيل في رومانيا تروح اي مكتب يحضرلك الملف تكلفته 20 او 50 رون و بتدفع تاكسا طالون و تاكسا ترخيص و تحجز ميعاد عند شرطه المرور و تكون محضر ٤ او ٥ ارقام و حروف زي ما تحب علشان لوحات السياره هتدفع علي الشباك ٨٠ رون و تقدم كل الاوراق و تستلم الرخصه و الكارته و الارقام بعد يوم او يومين يستحسن يكون الارقام الحمراء ليسا ساريه علشان تقدر تمشي بالسياره علي ما يخلص الترخيص

بالتوفيق باذن الله